| АҦСУА ТЕАТР ЫҚӘГЫЛОИТ ШВЕИЦАРИА |
|
Самсон Ҷанба ихьӡ зху Аҧснытәи Аҳәынҭқарратә драматә театр атруппеи Ареспублика анaпхгара авице-премиер Владимир Занҭариеи атеатр "Монтрио-Ривиера" ааҧхьарала Швеицариаҟа амҩа иқәлеит.
Аҧсуа актиорцәа швеицариатәи ахәаҧшцәа иддырбоит М. Бҕажәба иҩымҭа амотивқәа рыла иқәыргылоу аспектакль "Гәараҧаа рписар".
Аспектакльқәа мҩаҧысуеит ақалақь Монтрио аҿы, ҧхынҷкәын 10 инаркны 13-нӡа, иалагоит асааҭ 19 рзы.
05:12:2003 АҦСУАА РЫБЖЬЫ
|
|
УРЫСТӘЫЛА ИАҚӘЫӠБЕИТ |
|
"Қырҭтәыла атерриториа акзаара хзырбгалар зҭаху асепаратисттә елементқәа ацхыраара рмоуроуп",- иҳәеит иацы Еиду Америкатәи Аштатқәа Рҳәынҭқарратә маӡаныҟәгаҩ Колин Пауелл, аҳәаанырцәтәи аусқәа рминистрцәа Маастрихт реиҧылараҿы дықәгыло.Уи Урыстәыла имҩаҧнаго аполитика дақәыӡбеит.
"Асепаратисттә елементқәа" ирыцхраауа реиллыркааит лықәгылараҿы аамҭала қырҭтәыла апрезидент иусқәа назыгӡо Нино Бурџьанаӡе.
Иара убас иқәыргылан Урыстәылатәи арратә базақәа қырҭтәылеи Молдавиеи ралгара азҵаара. Аилацәажәараҿы, агәаанагарақәа реиқәымшәара иахҟьаны, Урыстәыла амацара ОБСЕ алҵшәатә декларациа анапаҵаҩра мап ацәнакит.
Урыстәыла аҳәаанырцәтәи аусқәа рминистр Игор Иванов ишиҳәаз ала: "ҳара шаҳаҭцәас ҳрыман қырҭтәылеи Молдавиеи русқәа Урыстәыла аган ахь ала акумкәа,егьырҭ аҳәынҭқаррақәа рган ахь ала алацәажәара."
03.12.2003 АБХАЗИЯ
|
| АҦСНЫНТӘИ АХҴӘАЦӘА АПРОТЕСТТӘ АКЦИА МҨАҦЫРГОИТ |
|
300-ҩы уаак инарзынаҧшуа Аҧснынтәи ахҵәацәа иахцоу Аҧсны автономиа Қарҭ, Иреиҳаӡоу Асовет ахыбра аҧхьа имҩаҧыргоит апротесттә ақциа.Урҭ Аҧсны автономиа Иреиҳаӡоу Асовет ахантәаҩы Ҭамаз Надареишьвили иамхра ауп хықәкыс ирымоу. Ахҵәацәа ргәаанагара ала, уи Қырҭтәыла атерриториа акзааразы 10 шықәса рыҩныҵҟа акгьы ҟаимҵеит.
Надареишьвили идгылаҩцәагьы хазы ақциа амҩаҧгара иаҿуп.
03.12.2003 РИА "Новости"
|
| РАУЛЬ ҲАЏЬЫМБА: "АҦСНЫ, ЕСНАГЬ ЕИҦШ, УРЫСТӘЫЛА ИАХӘҬАКХАР АҬАХУП" |
|
- Иарбан зҵаарақәоу Москва шәызлацәажәоз?
- Москваҟа ҳцара Аҧсны иҟоу асоциалтә-политикатә Ҭагылазаашьа иадҳәалоуп.ҳалацәажәон қырҭтәыла иҟоу аҭагылазаашьа. Ақырҭуа-аҧсуа конфликт ҭынчратә мҩала аӡбара шаҳҭаху еилкааны еиҭаҳҳәеит.
- Қарҭтәи ахҭысқәа ирхырҟьны Аџьариа аҳәаақәа анаркит. Шәаргьы Гал араион аҳәаа ашәыркыма?
-Ҳаргьы ҳҳәаақәа аҳаркит, аха бџьарла еибыҭоу агуҧқәа рзын, наҟ-ааҟ аиҭанеиааира зҭаху ауаа, иара убас ахҵәацәа уи рҧырхагамхаӡеит.
-Аџьариа ахада Аслан Абашьиӡе қырҭтәыла анапхгара ҿыц ааира дақәшаҳаҭым.Шәара иахышәҳәаауазеи?
-Ара еиҧшымзаарак ыҟоуп: Аџьариа қырҭтәыла ишалоу иаанхоит. ҳара - 1992-1993-тәи ашықәсқәа раантәи аибашьра ҳанахыс , уи ахҟьа-ҧҟьақәа ҳаныриааи ашьҭахь,- зхы иақәиҭу ҳәынҭқарраны ҳҟалеит.Убри азын ари нахысгьы ҳхьыҧшымзаареи ҳхақәиҭреи ҳарҕәҕәалоит.
-Аҟәа акыр шықәса раахыс Москва аҿаҧхьа иқәнаргылоит Урыстәыла ассоциациатә хаҭарнакрала алалара азҵаара.Ари апозициа ҧсахра амамкәа иаанхама?
-Ааи, ҳара ҳпозициа шыҟаз иаанхеит.ҳара излауала Урыстәыла аҽазааигәатәра ҳашьҭоуп, уи амҩагьы ҳаныҵуам.
- Қырҭтәыла ифедеративтәу, ма иконфедеративтәу ҳәынҭқарраны аҟалара Аҧсны ишҧахәаҧшуеи?
-Ҳара ари азҵаара 1992-1993-тәи ашықәсқәа раантәи аибашьра ҟалаанӡа иқәҳаргылахьан, аха уи аӡәгьы имаҳаит. Уажәшьҭа уи азыхынҳәра ҳгу иҭаӡам.
01.12.2003 "Независимая газета"
|