Апап Владислсв, Иаугьан В. Краммиг, ихәыцрақәа.

A

Аҧсуаа, ҳаҭыр рықәшәҵала шәышлақәеи урҭ рҟәҕарақәеи!

Сыхаара, Аҧсны саныцәоу сыҧхыӡ уалоуп.

Аҧсны, ужәлар рҧеиҧш уара унапы иануп.

Аҧсны, иухуаумыршҭын, уҧсабара шмал дуу ужәлар рзы!

Аҧсны, иудыруаз, сыҧсы шуҿҳәароу!

Анцәа аамҭа  имазар, ҧсшьара Аҧсныҟа даауан!

О, Сыҧсынра, иҟоума уӡиасқәеи, урҩашқәеи, умшын гәҭбааи  иреиҕьу даэа џьара!

Аҧсны аҧеиҧш ужәлар ргәаҵаҟноуп  иахьииуа.

Аҧсны иаҭахуп ачҳара, аҭынчра, ажәлар реидгылара.

Аҧсны Анцәа ихазын игәаҧханы иалихыз тәылоуп.

Аҧсны гхақәак умазаргьы, срар сзы ушьамдгьылуп.

Аҧсны анхара азин змоу насыҧла иҭәу роуп.

Мышкы зны сыҧсыр, исҭахуп сыржыр Аҧсны, сара усҟан сазааигәахоит жәҩангәшәҧхьара.

Аҧсны, уара Анцәа игәаҧханы иишаз  адгьыл, ушжәҩангәшәҧхьароу уаанхар сҭахуп сара!

Аҧсны, ухынҳәы уажәшьҭа ажәытәтәи уцқьареи уҳалалра рышҟа!

Аҧсны аӡыхь цқьақәеи ашьха ҧагьақәеи  иртәылоуп.

Аҧсны, уара сыҧсадгьыл – сыҧсы, сыҧсынҵры!

Аҧсны,  ужәлар азыҧшуп ахақәиҭраҵәҟьа.

Аҧсны нцәа итәарҭоуп, аха уи зхы иазырхәо зынӡа имаҷуп.

Аҧсны тәыла беиоуп, аха уи абеиара ахархәашьа иақәшәом еснагь.

Аҧсуа ҩы аҧҳәызба ҧшӡа лыччаҧшь иаҩызоуп.

Арыжәтә зназы уарҧыруеит мҵәыжәҩада уара, аха укыднаҟьоит, ушымгәыҕӡо џьара.

Аҩыжәра грахтыгоуп.

Аҕар аҩызцәа имоуп, абеиа ашьыццәа.

B

Ҵлак ҧуҟар, х- ҵлак еиҭаҳа, урҭ ухәыҷқәа ирыхьӡоит.

Иашьны иҟоу ахәы диҩызоуп, иику иаҵәца имухыр, иҳәҳәабжь уахәом.

D

Агәкаҳара ауаҩы игәабзиара ҵнашәаауеит.

Згәы  казыжьыз инарцәымҩа дықәлоит.

Азеиҧшмал зҕьычуа, ижәлар дрыҵаҕьычуеит.

E

Иаҧсоу ҳаҭыр иқәҵатәуп.

Аиҳабыра змоу ииҳәо ылҵуеит.

Аҧсреи аиреи еицуп.

F

Насыҧла иҟоу ( иҭәу9 аҭаацәара амал рыгхаӡом.

Аҕацәеи ампыҵахалаҩцәеи Аҧсны иқәнагалахьан кырынтә, аха уи Абахә еиҧш игылан иҕәҕәаӡа.

Ачҳара ахьыҟам аиҕара ҟалоит.

Аҳәса амилаҭ  иашьагәҭуп, убри адгьыл дара роуп аҧсҭазаара ҿыц хацзыркуа.

Аҭынчра иазықәҧо зымч – зылшара ыҟоу иоуп.

G

Асасдкылара иреиҕьу малуп адунеи аҿы.

Аҧара адунеи анарҳәуеит (аҧара иахымҟьо акагьы ыҟаӡам9.

Аҧареи аиҳабыреи ауаҩы ддырлашәуеит.

Зҳәоу еиқәшәо ар маҷ зқьҩык аҕацәа ириааиуеит.

Агәабзиара аҧсабара аџьашьахәқәа ируакуп.

Анцәа ажәҩангьы, џьаҳанымгьы ишеит Аҧсны – жәҩангәшәҧхьароуп.

Анцәа иоуп зегьы знапы иану, ҳара зегьы ҳсасцәоуп адунеи аҿы.

H

Ауаа ргәаҟра рыцеиҩшала, урҭ уи ада ргәырҩа рзыхгаӡом.

Ауаҩы иҧсҭазаара ахьхацыркхо ауп иҧсадгьыл ахьыҟоу.

Ала ауҩы ишьа алоуп.

K

Ахшара ани аби рзы игәазырҳагоуп.

Ахәыҷқәа аҧсҭазаара иахыҵхырҭоуп.

Адунеи хәыҷыда уаҩ дықәмзар , заҟа иҧшӡахарыз!

Хәыҷы дахьыҟам ҧеиҧш бзиа зыҟалом.

Ахәҷқәа рыччаҧшь еиҕьу гәазырҳага ыҟаӡам.

Ахәыҷқәа рыла еснагь аиаша хубаалоит.

Ачымазара анцәа иузааигаз гәаҟроуп, уи учҳароуп.

Зымч – зылшара маҷу мыцхәы аибашьра хҭеикуеит.

Аибашьра изалаго аҧаразоуп.

Аҭынчра ацәеижь мацара акәӡам изҭаху, уи амазароуп аҧсгьы.

Атәыла акәльтура ашьышьмақәа рҿынтә иалагоит.

Аҟазара ажәлар ҧсыс ирхоуп.

L

Аҭынчраз имықәҧац, аҭынчра агьама издырӡом.

Ауаҩы ҧсҭазаарас имоу ҭаацәароуп.

Абзиабара ахаара- бзаара иаҵоу еилукаауазар ауп.

M

Хацәақәак рҭаацәа раҵкьыс рмашьына еиҕьыршьоит.

Амшын иамоуп аҧсҭазааратә ритм; зны агыгцәыгқәа ргылан иасуеит  аҟәара, даэазных иҭынчуп, иҭынчӡоуп иара.

Ашәа ажәлар ҧсыс иахоуп.

N

Кыр ихәыцыз, такә еиликааит.

Амхра улшозар, аҭарагьы улшозар ауп (уҭи сыҭи еишьҭоуп).

Ауаа агәаҟра ианақәшәалак ауп ауахәама аныргәалашәо.

P

Џьанаҭ ҳәа акрыҟазар , уи Аҧсныоуп.

R

Мчы змоу иоуп ииашоу.

Иахь крызмоу, иацы ишыҟаз рхашҭит.

Амал уҧсы анҭоу ауп ианухәо.

Знарцәымҩа иқәлаз мал иҭахӡам.

S

Артист иреиҕьу политикуп.

Аҧсынра ахаангьы ҧсра – ӡра ақәым.

Амра адгьыл мацара акәӡам иарҧхо, уи ауаагьы ргәы иҭаҷҷоит.

T

Уаҵкьыс иҕару уҿаҵа ицеиҩша.

Имҧсуа аӡәгьы дыҟаӡам.

Иҧсуа ихы дақәиҭхоит, ииуа аҧсҭазаара иауеит.

Аҧсра аӡәгьы дзацәыбналаӡом.

Аҧсра ҳзыҧшуп зегьы, аха уии ҳареи ҳанеиқәшәо знык ауп.

Аҧсра еиҳа исзааигәоуп аҧсҭазаара аҵкьыс.

Сара аҧсра бзиа избоит, избанзар уи иханарҭәаауеит сыҧсҭазаара.

Аҧсра ачымазарақәа зегьы ирыхәшәуп.

Аҧсра иаҳа еиҕьуп угәаҟуа адәы уқәзар аҵкьыс.

Иҧсуа иаҕацәа зегьы бзиа дырбоит.

Иулшонаҵ абзиара ҟаҵала.

V

Амшхәыбзазара ахьыҟоу аҕьычцәа ҟалаӡом.

Аҵара змоу амилаҭ роуп аҧеиҧш бзиа змоу.

W

Ишҧа  ҧшӡахарыз адунеи уаҳа еибашьра ҟамлар!

Аӡы шәеигӡала, уи амалқәа зегьы ирыцкуп.

Ацәыкәбар алаҕәм аҵкьыс амч амоуп, амала уи кыр аамҭа аҭахуп.

Аҟәыҕара қәрала иҟаӡам.