| Аҧсуа парламент иалоу Швеицариа имҩаҧысуа аконференциа иалахәуеит Аҧсуа шрифт |
|
Аҧсуа парламент иалоу Швеицариа имҩаҧысуа аконференциа иалахәуеит. Апарламент авице-спикер Александр Страничкини апарламентбжьаратәии адәныҟатәии аимадарақәа ркомитет ахантәаҩы Беслан Быҭәбеи анаукатә-практикатә конференциа иалахәуеит.
Уи темас иамоуп "Амультикультурализми ХХI-тәи ашәышықәсазтәи аетнополитикатә модельқәеи", имҩаҧнагоит Урыстәылатәи икоммерциатәым ацхырааратә фонд "Зхы иақәиҭу Европа". Аконференциа аатуеит уаҵәы, ҧхынҷкәын 2 pзы Швеицариа.
30.11.2005 Аҧсныпресс
|
| Апрезидент ҭырқәтәылатәи арепатриантцәа дырҧылеит |
|
Апрезидент Сергеи Багаҧшь ҭырқәтәылатәи арепатриантцәа гуҧҩык дырҧылеит. Аиҧылараҿы ирылацәажәеит амҳаџьырқәа рхылҵшьҭрақәа ры-ҧсадгьыл ахь рыхынҳәра ашьҭахь ицәырҵуа апроблемақәа. Арепатриантцәа иазгәарҭеит Ареспублика анапхгареи аминистрцәеи рпроблемақәа ишрызҿлымҳау.
Сергеи Багаҧшь иаҵшьны иазгәеиҭеит аҧсуаа рхаҭарнакцәа Аҧсныҟа рыхынҳәра Ареспублика анапхгаразы априоритетра змоу зҵаараны ишыҟоу.
29.11.2005 Аҧсныпресс
|
|
Ҷыдала иазалху акомиссиа Аҧсны Аҳәаанырцәтәи ауааҧсыра ррегистрациазы азакәан аус адулapa иалагеит |
|
Иахьа авице-премиер Леонид Лакербаиа апрезидент идҵала Аҧсны иаланхо "Аҳәаанырцәтәи ауааҧсыра, атәылауаҩра змам ауаа, СНГ атәылақәа руаа ррегистрациазы азакәан" аус адызулоз акомиссиа ахыркәшаратә еилатәара мҩаҧигеит. Адокумент апроект анаҩсантәи Ареспублика анапхгара реилатәараҿы иахәаҧшраны иҟоуп.
27.11.2005 Аҧсныпресс
|
| Абҵара 7 рзы Аҧсны атәылахьчаратә мчқәа ҩы-мчыбжьыктәи ргәаҭара иалагоит |
|
Аҧсны изаамҭанутәи атәылахьчаратә мчқәа ргәаҭара иалагоит. Ари аинформациа "Аҧсныпресс" иаиҭеит Агенштаб аиҳабы Анатоли Заицев. "Игәаҭахоит ар-бџьартә мчқәа аибашьразтәии амобилизациазтәии разхиара",- иҳәеит Заицев иахьа.
01.11.2005 Аҧсныпресс
|