AҦCУAA  PЫБЖbbI
-------------------- Aҧcнынтәи әабжь ҿыцқәа--------------------


 
 Аҟәа еиҿкаауп Кавказтәи ажәларқәа Рконфедерациа аветеранцәа Реидгыла

 

Аҟәа еиҿкаауп Кавказтәи ажәларқәа Рконфедерациа аветеранцәа Реидгыла.

 

Амҽыша, Ажьырныҳәа 29 рзы Аҟәа имҩаҧысит Аидгыла аиҿкааратә конференциа.

 

Кавказтәи ажәларқәа Рконфедерациа аветеранцәа Реидгыла ахантәаҩыс далхуп Муса Шанибов.

 

Ҿыц еиҿкаахаз Аидгыла хықәкыс иамоуп Кавказтәи ажәларқәа Рконфедерациа иалоу, уи 1992-1993 шш. раантәи ақырҭуа-а3суа еибашьра, иара убас еиуеи3шым аконфликттә ситуациақәа раан аусураҿы зхы алазырхәуаз Кавказ ажәларқәа 16 реимадара,"- иҳәеит М. Шанибов.

 

31.01.2006  Аҧсныпресс

 

 Женева имҩаҧысраны иҟоуп ООН Агенералтә секретар иҩызцәа қырҭтәыла азҵааразы реиҧылара

 

 

Жэабран 2-3 рзы Женева имҩаҧысраны иҟоуп ООН Агенералтә секретар иҩызцәа қырҭтәыла азҵааразы реиҧылара. Ари аиҧылара алахәразы Женеваҟа ицеит Аҳәаанырцәтәи аусқәа рминистр Сергеи Шамба напхгаҩыс дызмоуАҧснытәи аделегациа.

 

Аиҧылара иалахәуеит аделегациа иалоу апарламентбжьаратәии адәныҟатәии аимадарақәа рзы апарламенттә комитет ахантәаҩы Беслан Быҭәбеи "Кавказтәи адемократиа аинститут" Аҧснытәи афилиал аиҳабы Сократ Џьынџьали. Қырҭтәылатәи аделегациа хадара азиуеит қырҭтәыла аконфликтқәа рҭышәныртәаларазы аҳәынҭқарратә министр Георги Хаиндрава.

 

31.01.2006  Аҧсныпресс

 

 Ажьырныҳәа 12 рзы Москва иаатуеит аҧсуа сахьаҭыхыҩцәа русумҭақәа рцәыргақәҵа

 

Москва ацәыргақәҵатә зал Творчество аҿы ажьырныҳәа 12 рзы иаатуеит аҧсуа сахьаҭыхыҩцәа русумҭақәа рекспозициа. Ари аинформациа Аҧсныпресс иаиоуит Аҧсны асахьаҭыхыҩцәа Реидгыла ахантәаҩы Витали Џьениа иҟынтә. Уи излеиҳәаз ала, ацәыргақәҵаҿы идырбахоит асахьаҭыхра, аскульптура, иара убас ари аҟазара иаҵанакуа егьырҭ аусумҭақәа рыхкқәагьы. Урҭ рхыҧхьаӡара 40 рҟынӡа инаӡоит.

 

Ари раҧхьатәи аҧсуа сахьаҭыхыҩцәа русумҭақәа Урыстәыла аҳҭны-қалақь аҿы инеиҵыху рцәыргақәҵа акәхоит. Уи аиҿкаара ацхыраара арҭеит Москва америеи Аҧсны анапхгареи.

 

05.01.2006  Аҧсныпресс

 

 Сократ Џьынџьал "Кавказтәи адемократиа аинститут" Аҧснытәи афилиал еиҳабыс дарҭеит

 

Сократ Џьынџьал иааникылоз аҭыҧ - апрезидент иконсультант - аҟынтә ииҩыз арзаҳал ала ихы дақәиҭтәын. Ари аусҧҟа апрезидент Сергеи Багаҧшь инапы аҵаиҩит ҧхынҷкын 28 рзы, Аҧсныпресс иахьа, ажьырныҳәа 4 рзы излеилдыркааз ала.

 

Сократ Џьынџьал напхгаҩыс даиоуеит икоммерциатәым аорганизациа "Кавказтәи адемократиа аинститут" Аҧснытәи афилиал.

 

04.01.2006  Аҧсныпресс