AҦCУAA  PЫБЖbbI
-------------------- Aҧcнынтәи әабжь ҿыцқәа--------------------


 

 Арратә техника Ашәарҭадаратә зона алагалара Москватәи аиқәшаҳаҭрақә реилагара аанагоит

 

"Арратә техника, иара убас авертолиотқәеи егьырҭ аибашьыга маҭәахәқәеи Ашәарҭадаратә зона ралагалара 1994 ш. лаҵарамза аантәи Москватәи аиқәшаҳаҭрақә реилагара аанагоит," - иҳәеит ажурналистцәеи иареи Гал араион аҿы реиқәшәараҿы қырҭтәыла ООН Амиссиа арратә хылаҧшҩы хада ихаҭыҧуаҩ аполковник Чон Иенг Тек.

 

Уи иажәақәа рыла, "ООН Амиссиа арратә хылаҧшцәа Кудры аиҩхаа қырҭтәыла арратә мчқәа ралгара аднаҵеит.

 

28.07.06  Аҧсныпресс

 

 Аҧсны аҳәынҭқарратә еиҿкаарақәа адунеи ауаажәлар рахь ааҧхьара ҟарҵоит қырҭтәыла анапхгара иҟанаҵо ашьаҿақәа ахәшьара рырҭарц азы

 

Аҧсны аҳәынҭқарратә еиҿкаарақәа адунеи ауаажәлар рахь ааҧхьара ҟарҵоит қырҭтәыла анапхгара иҟанаҵо ашьаҿақәа иаахтны ахәшьара иаша рырҭарц азы, иара убас аконфликт еибашьралатәи амҩала аӡбара ҧсыхәа шамам днардырразы.

 

Адунеи ауаажәлар рганахь ала арекциа иаша аҟамзаара акриминалитет аҧыхра ҽыҵгас иҟаҵаны аибашьратә реванш згу иҭазкыз рымҩа аанартуеит. Ари ҳәоуп иахьа ирыларҵәахаз иофициалтәу Аҳәамҭаҿы.

 

27.07.06  Аҧсныпресс

 

 Аспикер Ҭырқәтәылатәи аҧсуа диаспора ахаҭарнакцәа дырҧылеит

 

Аҧсны апарламент аспикер Нугзар Ашәба Ҭырқәтәылатәи аҧсуа диаспора ахаҭарнакцәа дырҧылеит. Аиҧылара иалахәын авице-спикер Альберт Овсепиан, адепутатцәа Гарик Саманба, Беслан Быҭәба, Эмма Гамсаниа-ҧҳа, Раџьи Аҩӡба, Виачеслав Цыгәба.

 

18-ҩык злу аделегациа Аҧсны аҧсшьаразы иааны иҟоуп. Аҿар ареспублика иалсны ирбоит, рыжәлантәқәа ирҧылоит, аҭагылазаашьа иазҿлымҳауп.

 

Урҭ ирылоуп ажәлақәа Ашәба, Иашба, Саӡба, Амаршьан, Ашьхаруа, Мамаҭ-иҧа, Ашәхәаҵаа, уб. иҵ.

 

Аспикер ирзеиҭеиҳәеит Аҧсны ахьыҧшымразы иалнахыз амҩа шамыҧсахуа, иара убас иҳәеит Аҧсны аҭаара еиуеиҧшым атәылақәа рҿы инхо аҧсуа диаспора ахаҭарнакцәеи урҭ Аҧсны инхо рџьынџь-уааи рконтакт азы аҵак ду шамоу.

 

21.07.06  Аҧсныпресс

 

 Ҧхынгәы 11 рзы Аҟәа имҩаҧысраны иҟоуп ахҵәацәа рызҵааразы аусуратә гуҧ аилатәара

 

Ҧхынгәы 11 рзы Аҟәа имҩаҧысраны иҟоуп ахҵәацәа рызҵааразы аҧсуеи ақырҭуеи ганқәа Ркоординациатә Хеилак аусуратә гуҧ аилатәара.

 

Аҳәаанырцәтәи аусқәа Рминистрра аҿы Аҧсныпресс изларҳәаз ала, аусуратә гуҧ аҧсуа ган напхгаҩыс дамоуп Гал араион аҿы апрезидент ихаҭарнак Руслан Кишьмариа. Иара убас аделегациа иалоуп Аҳәаанырцәтәи аусқәа рминистр ихаҭыҧуаҩ Даур Ақаҩба, Ареспублика Аҧсны Ашәарҭадаратә Хеилак ахаҭарнак Рустам Занҭариа.

 

Аганқәа еиқәшаҳаҭхеит  ажурналистцәа аиҧыларахь инарымҧхьарц азы.

 

06.07.2006  Аҧсныпресс

 

 Иҭыҵит ахәыҷтәы журнал "Акурҷыжь" раҧхьатәи аномер

 

Иҭыҵит ахәыҷтәы журнал "Акурҷыжь" раҧхьатәи аномер. Ажурнал ҭыҵуеит аҧсышәала, тиражс иамоуп 1000 екземплиар. Уи ҭнажьуеит аҧсуа бызшәа аҿиаразы Аҳәынҭқарратә Фонд.

 

Апроект авторс дамоуп Анна Сангәлиа-ҧҳа. "Ажурнал аҧхьаҩцәа рзы мҩақәҵаҩыс дҟалоит Нарҭаа репос афырхаҵа Сасрыҟәа",- ҳәоуп авторцәа рколлектив аҧхьажәаҿы.

 

06.07.2006  Аҧсныпресс

 

 Аҧсни, Днестртәи Ареспубликеи, Аладатәи Осетиеи иахьа Москва  рнапы аҵарҩит аусеицуразы аиқәшаҳаҭра

 

Аҧсни, Днестртәи Ареспубликеи, Аладатәи Осетиеи рпарламентқәа рнапхгаҩцәа иахьа Москва ҩ-ганк рыла аусеицуразы аиқәшаҳаҭра рнапы аҵарҩит. Ари аарыцҳауеит Урыстәылатәи амассатә информациазы ахархәагақәа.

 

Аиқәшаҳаҭра рнапы аҵарҩит: Ареспублика Аҧсны апарламент аспикер Нугзар Ашәба, Аладатәи Осетиа апарламент ахантәаҩы ихаҭыҧуаҩ Тарзан Кокоиты, Днестртәи Ареспублика апарламент ахада Евгени Шевчук.

 

Анапаҵаҩра ацеремониа иалахәын Урыстәылатәи Афедерациа Адума афракциақәа зегьы рхаҭарнакцәа.

 

05.07.2006  Аҧсныпресс

 

 Кристиан Бжьаниа: Амшын Еиқәа аихамҩақәа р-Консорциум азҵаара алацәажәара консультациак аҳасаб ала имҩаҧысуеит

 

Амшын Еиқәа аихамҩақәа р-Консорциум азҵаара алацәажәара консультациак аҳасаб ала мацароуп ишымҩаҧысуа. Уи егьырҭ аганқәа  ирыдыркылаз аиқәшаҳаҭрақәа Ареспублика Аҧсны рхьыҧшны иҟанаҵом. Абас ҳәоуп Аҳәынҭқарратә информациеи амассатә еимадара ахархәагақәеи Рнапхгара аиҳабы Кристиан Бжьаниа и-Ҳәамҭаҿы.

 

"Апрезиденти Ареспублика анапхгареи Аҧсны ауаажәлар рҿаҧхьа ирымоу аҭакҧхықәра шьақәдырҕәҕәоит ари азҵаараҿеиҧш, егьырҭ Урыстәылеи Аҧсни рстратегиатә усеицуреи амилаҭтә интересқәеи ирыҵанакуа азҵаарақәа рҿгьы", - азгәаҭоуп Аҳәамҭаҿы.

 

04.07.2006  Аҧсныпресс

 

 

Hit Counter