 |
|
|
Аҧсуа
шәаҳәаҩцәа
ҿарацәа рхы аладырхәит Владикавкази Нальчики имҩаҧысыз «Аиҩызаратә концертқәа» |
|
Аҧсуа шәаҳәаҩцәа
рхы аладырхәит Владикавкази Нальчики имҩаҧысуаз «Аиҩызаратә концертқәа».
Урҭ рҩызцәа аконцертқәа ҵыҧх имҩаҧысит Черкесcки Маикопи.
Жәлар рырҿиара Ареспубликатә центр аиҳабы
Нури Кәарҷиа «Аҧсныпресс» ахь излааицҳаз
ала, Аҧснахьёала иқәгылеит афестиваль «Аҿар рыбжьы» аҿы адипломқәа зауз
Викториа Амҷбеи, Саида Гобечиеи, Рамина Задеии, Тома Цирцвадзеи.
31.10.2007
Аҧсныпресс
|
|
Аҟәа
имҩаҧысуеит жәларбжьаратәи хымштәи анаукатә семинар – «Кавказ иқәынхо
абиҧара
ҿыц рдыррақәа рҧылара» |
|
Аҟәа имҩаҧысуеит жәларбжьаратәи хымштәи анаукатә семинар
– «Кавказ иқәынхо абиҧара
ҿыц рдыррақәа рҧылара». Асеминар еиҿыркааит
Ачерқьез академиатә гәыҧи
(Ҭырқәтәыла, Сҭампыл),
Ареспублика Аҧсны Адәныҟатәи аусқәа рминистрреи, Аҧсны Ахада иҿы
иеиҿкаау Астратегиатә ҭҵаарақәа рцентри.
Асеиҧш иҟоу аиҧыларақәа, еиуеиҧшым амилаҭқәа рҟынтәи ауаа алархәны аибашьра ашьҭахь сынтәа ауп раҧхьаӡа акәны
Аҧсны ианеиҿкаахаз. Асеминар иалахәын еиуеиҧшым анаукатә гәыҧқәа рхаҭарнакцәақ
Ҭырқәтәылантә, Израильынтә, Нидерландынтә, Британиа
Дунтә, Урыстәылантә,
Аахыҵ-Уаҧстәылантә, Ермантәылантә.
31.10.2007
Аҧсныпресс
|
|
Аҧсуа-қырҭуа
конфликт ахьымҩаҧысуа аҭыҧқәа рҿы жьҭаарамза
30
рзы иеихсит абжьаҟазаратә вертолиот |
|
Аҧсуа-қырҭуа конфликт ахьымҩаҧысуа аҭыҧқәа
рҿы жьҭаарамза
30
рзы иеихсит абжьаҟазаратә вертолиот. Иахьа «Аҧсныпресс» ахь излааицҳаз
ала, КСПМ СНГ акомандаҟаҵаҩ ицхырааҩ аподполковник Александр Диордиев
жьҭаарамза 30
рзы, шьыбжьон асааҭ
12
рышьҭахь авертолиот МИ-
24
ари ахҭыс ахьыҟалаз аҭыҧқәа ирхыҧрааит. Уаҟа иаанкыланы рабџьарқәа рымхын
Қырҭтәыла амилициа иатәу ауаа.
31.10.2007
Аҧсныпресс
|
|
Аҧсны
ргәы иахәан ирыдыркылеит Аҧснытәи еиуеиҧшым афатә аалыҵқәа
Урыстәылаҟа
рнагара азин ахьыҟалаз |
|
Аҧсны ргәы иахәан ирыдыркылеит Аҧснытәи
еиуеиҧшым афатә аалыҵқәа Урыстәылаҟа рнагара азин ахьыҟалаз. Абри атәы
«Аҧсныпресс» ахь иааицҳаит Ақыҭанхамҩа аминистр Иури Акаба. Уи иажәақәа
рыла, арҭ аалыҵқәа
ҭызҵаауа анаплакы ибзиоуп ҳәа ахнаҳәааит Аҧсны
аминистрцәа реилазаара африкантәи ачымазара аҧырҟәҟәааразы иҟанаҵаз
аусмҩаҧгатәқәа.
Ишәгәалаҳаршәоит
2007 ш.
нанҳәа мзазы Аҧснынтәи Урыстәылаҟа риагара аанкылан еиуеиҧшым
ақыҭанхамҩатә аалыҵқәа
џьара-џьара
Аҧсны раионқәак рҿы аҳәақәа африкантәи ачымазара ахьрыхьыз иахҟьаны.
31.10.2007
Аҧсныпресс
|
|
Аҧснытәи,
Арцахтәи, Приднестровиантәи, Аахыҵ-Уаҧстәылантәи рҳәынҭқарратә
Университетқәа ассоциациак аҿы рҽеидыркылеит |
|
Аҧснытәи, Арцахтәи, Приднестровиантәи,
Аахыҵ-Уаҧстәылантәи рҳәынҭқарратә Университетқәа ассоциациак аҿы
рҽеидыркылеит. Иахьа Алеко Гәарамиа, Гамлет Григориан,
Ҭеимураз
Кокоев, Степан Берил рнапаҵарҩит аиқәшаҳаҭра Аҧсны Ауниверситетқәа
Рассоциациа аҧҵаразы, Ашьха Ҟарабахтәии, Приднестровиатәии, Аахыҵ
Уаҧстәылатәии.
Иахьа Аҧсуа
Ҳәынҭқарратә университет аҿы
иаатит Жәларбжьаратә анаука-практикатә конференциа.
Ари аконференциа аҿы ражәахәқәа рыла
иқәгылеит Арцахтәи Аҳәынҭқарратә Университет аректор Гамлет Григориан,
Приднестровиатәи Аҳәынҭқарратә университет аректор Степан Берил, Аахыҵ
Уаҧстәылатәи Аҳәынҭқарратә университет афилософиа акафедра адоцент Коста
Дзугаев, АГУ апрофессорцәа Рауль Хонелиеи Олег Бҕажәбеи,
арҵаҩцәа Мадина Зыхәба, Саид Гезердава, Беслан Бараҭелиа.
АГУ апрофессор Маргарита Ладариеи ашәҟәҩҩы
Алықьса Гогәуеи Жәларбжьаратәи Адыгатә Академиа аҭҵаарадыррақәа
рдипломтә ҳамҭақәа ранашьоуп. Уаҵәы аконференциа аусура иацнаҵоит.
31.10.2007
Аҧсныпресс
|
|